Dag Program

​

Ons Dag Program dompel kinders in 'n atmosfeer van verwondering, sorg, verkenning en groei, en dit is nie lank voor hul liefde vir leer van binne na buite groei nie. Jong kinders leer die beste deur direkte sensoriese ontmoetings met die wêreld, eerder as deur abstrakte en formele akademiese prosedures. Die program word ondersteun deur gekwalifiseerde, toegewyde volwassenes wat jong kinders begelei in hul verwerwing van kennis en hul ontwikkeling van inhoud, vaardighede en houdings wat hulle voorberei vir laerskool.

​

​

Leer Program 

​

Mollie Muis is 'n opvoedkundige reeks produkte wat gerig is op kleuterskole, terapeute en mammas.  Dit het ten doel om te vermaak en om outentieke leer- en begripservarings daar te stel.  Deur middel van stories, musiek en spel word prettige en konkrete leerervarings gefasiliteer.  Met die klem op vermaak, word onderskeie middels en opvoedkundige metodes gesamentlik aangewend om konsepte, gedagtes en/of begrippe by maats vas te lê. 

 

'n Sterk tegnologiese en multi-sensoriese aanslag word met elemente van fantasie en spel gekombineer om te verseker dat maats op ’n speelse manier digitaal geletterd en voorberei word om in moderne opvoedkundige kontekste te kan funksioneer. 

 

Gegrond in 'n verskeidenheid dissiplines en ontwikkel deur 'n paneel gekwalifiseerde en ervare kenners, streef Mollie Muis produkte daarna om maats motories, sensories, kognitief, sosiaal en emosioneel te help ontwikkel. 

 

Saamgestel deur ervare kurrikulumontwikkelaars wat al verskeie vakke, kursusse en grade op universiteitsvlak ontwikkel het, is die Mollie Muis reeks met dieselfde oorleg as 'n universiteitsgraad benader en ontwikkel. 

​